អាជ្ញាប័ណ្ណ លិខិតអនុញ្ញាតិ និងវិញ្ញាបនបត្រ « អគ្គនាយកដ្ឋានគយនិងរដ្ឋាករកម្ពុជា

អ្នកនាំចេញ ត្រូវផ្តល់ឯកសារបន្ថែមសម្រាប់ទំនិញទាំងឡាយណាដែលរាជរដ្ឋាភិបាលកម្ពុជាកំណត់ថាជាផលិតផលរសើប ឬ ទំនិញដែលត្រូវបានដាក់់ឲ្យស្ថិតនៅក្រោមការឃ្លាំមើលសម្រាប់ការធ្វើពាណិជ្ជកម្ម។ តារាងខាងក្រោមបង្ហាញពីប្រភេទនៃអាជ្ញាប័ណ្ណ លិខិតអនុញ្ញាតិ ឬ វិញ្ញាបនបត្រ ដែលជាឯកសារចាំបាច់ សម្រាប់ការនាំចេញទំនិញមួយចំនួន និងអាជ្ញាធរមានសមត្ថកិច្ចដែលទទួលបន្ទុកក្នុងការចេញលិខិត ទាំងនេះ។

សំគាល់ ៖ សិប្បកម្មថ្មីដែលទំនិញធ្វើពីសូត្រ មិនតម្រូវឲ្យមានឯកសារបន្ថែមឡើយ លើកលែងតែទំនិញ ទាំងនេះ ជាផ្នែកមួយនៃគ្រឿងប្រាក់ ឬ ទំនិញនោះជាវត្ថុសិល្បៈ និងបេតិកភណ្ឌជាតិ។

អាជ្ញាប័ណ្ណ លិខិតអនុញ្ញាតិ និងវិញ្ញាបនបត្រ

	ប្រភេទទំនិញ	ឯកសារ	អាជ្ញាធរមានសមត្ថកិច្ច
អាជ្ញាប័ណ្ណនាំចេញ	កៅស៊ូធម្មជាតិ	-អាជ្ញាប័ណ្ណនាំចេញសុពលភាព៖៦០ថ្ងៃ	-ក្រសួងពាណិជ្ជកម្ម
	ផល និងអនុផលព្រៃឈើ	-អាជ្ញាប័ណ្ណនាំចេញ សុពលភាព៖៦០ថ្ងៃ- លិខិតអនុញ្ញាត	-ក្រសួងពាណិជ្ជកម្ម-ក្រសួងកសិកម្មរុក្ខាប្រមាញ់ និងនេសាទ-ទីស្តីការគណៈរដ្ឋមន្ត្រី
វិញ្ញាបនបត្រ	ផ្លែឈើស្រស់ បន្លែ រុក្ខជាតិ សម្ភារធ្វើកសិកម្ម (ថ្នាំសម្លាប់សត្វល្អិត គ្រាប់ពូជ សម្ភារបណ្តុះកូនរុក្ខជាតិ និងចំណីសត្វ)	-លិខិតអនុញ្ញាតគយនិងរដ្ឋាករ-វិញ្ញបនប័ត្រអនាម័យ និងភូតគាមអនាម័យ (SPS)	– អគរ-ក្រសួងកសិកម្មរុក្ខាប្រមាញ់ និងនេសាទ
	សម្លៀកបំពាក់	វិញ្ញាបនបត្រប្រភពដើមទំនិញសុពលភាព ៖ ៦ខែ	-ក្រសួងពាណិជ្ជកម្ម
	ថ្នាំពេទ្យ	វិញ្ញាបនបត្ររបស់ក្រសួងសុខាភិបាល	-ក្រសួងសុខាភិបាល
	សត្វរស់	វិញ្ញាបនបត្រសុខភាពសត្វ សុពលភាព ៖ ៥ឆ្នាំឬ វិញ្ញាបនបត្រ CITES	-ក្រសួងកសិកម្មរុក្ខាប្រមាញ់ និងនេសាទ
លិខិតអនុញ្ញាត	ផលិតផលសិល្បៈ និងវប្បធម៌	លិខិតអនុញ្ញាត	ក្រសួងវប្បធម៌ និងវិចិត្រសិល្បៈ
	ផល និងផលិតផលជលផល	-លិខិតអនុញ្ញាតសុពលភាព ៖ ១ឆ្នាំ-វិញ្ញាបនបត្រប្រភពដើមទំនិញ-លិខិតអនុញ្ញាតិគយ	-ក្រសួងពាណិជ្ជកម្ម-ក្រសួងកសិកម្មរុក្ខាប្រមាញ់ និងនេសាទ- អគរ
	គ្រឿងអលង្ការ គ្រឿងប្រាក់ និងត្បូងមានតម្លៃមិនទាន់កែច្នៃ	លិខិតអនុញ្ញាតសុពលភាព ៖ ១ឆ្នាំ	ធនាគារជាតិនៃកម្ពុជា

ប្រភពព័ត៌មាន ៖ សៀវភៅមគ្គុទេសក៏ស្តីពីនីតិវិធីនៃការនាំចេញសម្រាប់សហគ្រាសខ្នាតតូចនិងមធ្យម នៅកម្ពុជា (ខែមករា ឆ្នាំ២០០៩)