នាថ្ងៃច័ន្ទ ១០ កើត ខែមិគសិរ ឆ្នាំច​ សំរឹទ្ធិស័ក ព.ស២៥៦២ ត្រូវ​នឹង​ថ្ងៃទី១៧ ខែធ្នូ ឆ្នាំ២០១៨ នៅអាកាសយានដ្ឋាន​អន្តរជាតិភ្នំពេញ មានប្រារព្ធពិធីបើកដាក់ឲ្យដំណើរការការិយាល័យអង្គភាពត្រួតពិនិត្យទំនិញតាមផ្លូវអាកាស (Air Cargo Control Unit-ACCU) ក្រោមអធិបតីភាពដ៏ខ្ពង់ខ្ពស់របស់ឯកឧត្តមបណ្ឌិត គុណ ញឹម ប្រតិភូរាជរដ្ឋាភិបាលទទួលបន្ទុកជាអគ្គនាយក នៃអគ្គនាយកដ្ឋានគយនិងរដ្ឋាករកម្ពុជា ព្រមទាំងមានការចូលរួមពីនាយឧត្តមសេនីយ៍ មាស វីរិទ្ធ អគ្គលេខាធិការនៃអគ្គលេខាធិការដ្ឋាន នៃអាជ្ញាធរជាតិប្រយុទ្ធប្រឆាំងគ្រឿងញៀន, លោក Russel Bash តំណាង​ស្ថាន​ទូត​សហរដ្ឋអាមេរិកប្រចាំព្រះរាជាណាចក្រកម្ពុជា, លោក Mark Stanley មន្រ្តីសម្របសម្រួលប្រចាំតំបន់​នៃ​កម្មវិធីត្រួតពិនិត្យកុងតឺន័ររបស់​​​​​​​​​​​​ការិយាល័យអង្គការសហប្រជាជាតិផ្នែកគ្រឿងញៀននិងឧក្រិដ្ឋកម្ម (UNODC), តំណាង​​ស្ថាន​ទូតអូស្ត្រាលីប្រចាំព្រះរាជាណាចក្រកម្ពុជា ព្រមទាំងថ្នាក់ដឹកនាំមន្ត្រីគយនិងរដ្ឋាករ និងមន្ត្រីមានសមត្ថកិច្ច​ពាក់ព័ន្ធប្រចាំការនៅអាកាសយានដ្ឋានអន្តរជាតិភ្នំពេញ។ អាន​បន្ថែម…

នាព្រឹកថ្ងៃទី១៧ ខែធ្នូ ឆ្នាំ២០១៨ នៅសណ្ឋាគារឡឺរ៉ូយ៉ាល់មានប្រារព្ធកិច្ចប្រជុំអន្តរក្រសួងរៀបចំដោយអគ្គនាយកដ្ឋានគយនិងរដ្ឋាករកម្ពុជា ដោយមានការឧបត្ថម្ភពីធនាគារពិភពលោកក្នុងគោលបំណងពិនិត្យឡើងវិញនូវខ្លឹមសារអនុក្រឹត្យលេខ ២០៩ អនក្រ.បក ចុះថ្ងៃទី៣១ ខែធ្នូ ឆ្នាំ២០០៧ ស្តីពីការដាក់ឱ្យប្រើប្រាស់បញ្ជីទំនិញហាមឃាត់និងទំនិញជាប់កម្រិតកំណត់ អាន​បន្ថែម…

កិច្ចប្រជុំយន្តការភាពជាដៃគូគយ-ផ្នែកឯកជន លើកទី៧ ក្នុងគោលបំណងបន្តពិភាក្សាដោះស្រាយនូវបញ្ហាប្រឈមនិងសំណូមពរនានារបស់វិស័យឯកជន ពាក់ព័ន្ធនឹងការអនុវត្តយន្តការសម្រួលពាណិជ្ជកម្មរបស់រាជរដ្ឋាភិបាលកម្ពុជា អាន​បន្ថែម…

នាថ្ងៃអង្គារ​ ១៣ កើត ខែកត្តិក ឆ្នាំច សំរឹទ្ធិស័ក​ ព.ស ២៥៦២ ត្រូវ​នឹង​ថ្ងៃទី២០ ខែវិច្ឆិកា ឆ្នាំ២០១៨ នៅ​ភោជនីយដ្ឋាន​​​តូប៉ាស មាន​ប្រារព្ធ​​​​កិច្ច​សន្ទនា​​​អាហារ​​​ថ្ងៃត្រង់ដែល​រៀបចំ​ដោយ​​សភា​​​ពាណិជ្ជកម្ម​សហគមអឺរ៉ុប​​ប្រចាំ​នៅ​ប្រទេស​​​​​​​កម្ពុជា ក្នុង​គោល​​​បំណង​​ស្វែង​យល់​ពី​​វឌ្ឍនភាព​ថ្មីៗ​​​​​នៃ​គោល​​នយោ​បាយ​​ពន្ធគយ​ កិច្ចសម្រួលពាណិជ្ជកម្ម នីតិវិធី​គយ និង​​ទស្សនវិស័យគយ​នៅ​ពេល​អនាគត។ ​កិច្ច​សន្ទនា​នេះ​បាន​ប្រព្រឹត្ត​ទៅ​​​ក្រោម​​អធិបតី​ភាព​ឯកឧត្ដម​បណ្ឌិត​ គុណ ញឹម ប្រតិភូ​​រាជ​រដ្ឋាភិបាល​​​ទទួល​បន្ទុក​ជា​​អគ្គនាយក​នៃ​​​អគ្គ​នាយកដ្ឋាន​​គយនិងរដ្ឋាករកម្ពុជា (អគរ) និង​​មាន​ការ​​ចូលរួមដោយ​ឯក​ឧត្ដម George Edgar ឯកអគ្គ​រដ្ឋទូត​​សហភាព​អឺរ៉ុប​ប្រចាំ​នៅប្រទេស​កម្ពុជា, លោក Arnaud Darc ប្រធាន​ក្រុម​ប្រឹក្សា​​​ភិបាល​​​ស​ភា​​​​ពាណិជ្ជ​កម្ម​​​​​​​សហគមអឺរ៉ុប​​​​នៅ​កម្ពុជា អាន​បន្ថែម…

នៅថ្ងៃពុធ ៧ កើត ខែកត្តិក ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី១៤ ខែវិច្ឆិកា ឆ្នាំ២០១៨ នៅរសៀលម៉ោង ០៣:០០ នាទី ឯកឧត្ដមបណ្ឌិត គុណ ញឹម ប្រតិភូរាជរដ្ឋាភិបាលទទួលបន្ទុកជាអគ្គនាយកនៃអគ្គនាយកដ្ឋានគយនិងរដ្ឋាករកម្ពុជា បានអនុញ្ញាតឲ្យគណៈប្រតិភូផ្នែកស៊ើបអង្កេតនៃការិយាល័យអនុវត្តច្បាប់គយនិងអន្តោប្រវេសន៍សហរដ្ឋអាមេរិក អាន​បន្ថែម…

នាថ្ងៃពុធ ៧កើត ខែកត្តិក ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី១៤ ខែវិច្ឆិកា ឆ្នាំ២០១៨ នៅសណ្ឋាគារសុខា រាជធានីភ្នំពេញ អគ្គនាយកដ្ឋានគយនិងរដ្ឋាករកម្ពុជា បានរៀបចំវគ្គបណ្តុះបណ្តាល ស្តីពី “ការចាត់ថ្នាក់ទំនិញ តម្លៃគិតពន្ធគយ និងវិធានដើមកំណើតទំនិញ” ក្រោមអធិបតីភាពរបស់លោក នួន ច័ន្ទរិទ្ធ អគ្គនាយករងនៃអគ្គនាយកដ្ឋានគយនិងរដ្ឋាករកម្ពុជាជាតំណាងដ៏ខ្ពង់ខ្ពស់របស់ឯកឧត្តមបណ្ឌិត គុណ ញឹម ប្រតិភូរាជរដ្ឋាភិបាលទទួលបន្ទុកជាអគ្គនាយកនៃអគ្គនាយកដ្ឋានគយនិងរដ្ឋាករកម្ពុជា។ អាន​បន្ថែម…