រចនាសម្ព័ន្ធនិងការគ្រប់គ្រងរបស់ អគរ បានផ្លាស់ប្តូរ បន្ទាប់ពីបានដំឡើងពីនាយកដ្ឋានគយនិងរដ្ឋាករ ទៅជា អគរ  ដើម្បីឆ្លើយតបតាមការអភិវឌ្ឍពាណិជ្ជកម្មអន្តរជាតិ និងបញ្ហាប្រឈមផ្សេងៗដែល រដ្ឋបាលគយបានជួបប្រទះ។ អង្គការលេខរបស់អគ្គនាយកដ្ឋានគយនិងរដ្ឋាករនាពេលបច្ចុប្បន្នបានរៀបចំ ស្របតាមបេសកកម្ម  តួនាទីរបស់អគ្គនាយកដ្ឋានដែលមានចែងនៅក្នុងអនុក្រឹត្យលេខ៤៨៨ ចុះថ្ងៃទី១៦ ខែតុលា ឆ្នាំ២០១៣ ដែលត្រូវបានកែតម្រូវពីអនុក្រឹត្យលេខ ១៣៤ ចុះថ្ងៃទី១៥ ខែកញ្ញា ឆ្នាំ២០០៨ និងអនុក្រឹត្យលេខ ១៥២ ចុះថ្ងៃទី០៦ ខែតុលា ឆ្នាំ២០០៨។

រចនាសម្ព័ន្ធរដ្ឋបាល អគរ មាននាយកដ្ឋានក្រោមឱវាទចំនួនប្រាំពីរ  និងលេខាធិការដ្ឋានមួយ នៅថ្នាក់កណ្តាល និងអង្គភាពមូលដ្ឋានមួយចំនួនដូចខាងក្រោម៖

– អង្គភាពថ្នាក់កណ្តាល

  • លេខាធិការដ្ឋាន
  • នាយកដ្ឋានរដ្ឋបាលនិងគ្រប់គ្រង
  • នាយកដ្ឋានផែនការបច្ចេកទេសនិងកិច្ចការអន្តរជាតិ
  • នាយកដ្ឋានបង្ការនិងបង្រ្កាបបទល្មើស
  • នាយកដ្ឋានកិច្ចការច្បាប់សវនកម្មនិងទំនាក់ទំនងសាធារណៈ
  • នាយកដ្ឋានរបបគយ
  • នាយកដ្ឋានរដ្ឋាករ
  • នាយកដ្ឋានគ្រប់គ្រងតំបន់រួចពន្ធ

– អង្គភាពមូលដ្ឋាន

  • សាខាគយនិងរដ្ឋាករនាំចេញ
  • សាខាគយនិងរដ្ឋាករអាកាសយានដ្ឋានអន្តរជាតិ
  • សាខាគយនិងរដ្ឋាករប្រៃសណីយ៍
  • សាខាគយនិងរដ្ឋាករផែស្ងួត
  • សាខាគយនិងរដ្ឋាករកំពង់ផែអន្តរជាតិភ្នំពេញ
  • សាខាគយនិងរដ្ឋាករកំពង់ផែអន្តរជាតិក្រុងព្រះសីហនុ
  • សាខាគយនិងរដ្ឋាកររាជធានី-ខេត្ត